/b/ - Random

Story of my life

Anonymous

loc-IN

93ctjx1km0g.jpg

jab ham chhote the, tab online duniya ko bahut seriously liye. ye baat hai lagbhag 12 -13 saal pehle ki. Ham school me padhte the. Tab ye subreddit shayad tha nahi ya naya naya bana tha. Reddit kya hota hai kisi ko pata nahi tha. Internet ka matlab internet cafe ya BSNL ka broadband connection tha. Smartphone hote the par rare. Jio aaya nahi tha. Hamare ghar me computer tha pitaji ka diya. Hamne jid krke usme internet lagwa liya. Aur lage internet par time bitane. Reddit, internet forums, facebook vagerah (twitter vagerah use karne ki akal nahi thi tab). Bahut thread banaye. Bahut comment kiye. Bahut trolling aur flame war liye. Bahut lambe lambe argument kiye logon se. Bahut maja aata tha. Logo se behes karne me. Troll karne me. Ban hone me aur alt account bana ke fir se wahi bakaiti shuru kar dene me. Kul mila ke hamne apna sara time isi me lagaya. 11th 12th me padhai 1% kari hogi mushkil se. Din ke 6 se 8 ghante yahi karte the. Internet par bakchodi. Natija kya hua? 12 me hamare 75 percent aaye. JEE, AIEEE UPTU sab me fail ho gaye. Kisi college me admission nahi mila. Haar man ke apne Tier 3 town ke jhantu se college se BA kiya jisse graduation ke bad kam se kam sarkari naukri ka form bhar saken. Soch ke dekho kitna bada downgrade hai. Private school CBSE board me Science ka launda jo JEE de raha tha wo BA kar raha hai. Kisi ko muh dikhane me sharam aati thi. Kisi tarah teen saal kate. Ghar se nikalna band kar diya tha. Milna julna band kar diya that bilkul. Dosto ne hame bhula diya. Sab sale nikal gaye the engineering ya medical me. Koi noida koi ghaziabad se koi chennai se koi bangalore se. Hamare ghar wale bahut dukhi hote the. Jis duniya me BSc wale MBA wale khali ghoom rahe the wahan BA karke kya hoga, ye soch ke. Mummy kai baar bahut royin bhi hamari. Chhup chhup ke. Ye internet ne hame kya diya? Jhant kuch nahi. Jo lambe lambe comment likhe hamne tamam threads me rahul vs Modi, Congress vs BJP, feminism vs patriarchy pe, unse hamko kya mila? Phooti kaudi nahi. Agar wahi dimag padhai me lagaya hota to IIT nahi kisi normal college me admission mil jata aur kuch basic job mil jati. Hamare sath ke kai londe bekar coleg se Btech krke 2020 me 30-40 lpa ke package pe pahunch gaye. Lagbhag sabhi ki shadi ho gayi hai. Ek do to baap bhi ban gaye. Aur ham? Aaj 29 saaal ke ho gaye. Koi qualification nahi hai. Koi talent nahi hai. Bas English bolni aati hai kyonki ma baap ne paise kharch kar ke english medium school men dala tha. Baki khud ki mehnat se aj tak ek exam nahi nikal paye. Sab de liya. SSC, PCS, Lower subordinate. Bank clerk. Bank PO. NET. Ab haal ye hai ki guzara chalane ke liye ek private school me office staff ki job mili. Socho jisko maa baap ne private english medium school me padhaya kitni fees de ke wo aaj ussi jaise ek school me clerk hai. Isliye, dear friends. Don't waste your time online. It won't come back. Treat your youth, the period between your class 10th and your college very importantly. Work hard, cut down on waste, minimize distractions. Nahi to 5 saal baad inhi dino ko dekhoge aur khoon ke ansu rooege. Lekin tab kuch krna possible nahi hoga. Goodbye.